ლანდშაფტი, ქალაქგეგმარება, ეკოლოგია

ლანდშაფტის ასოციაციის ორგანიზებით, სასტუმრო „რადისონ ბლუ ივერიაში“ გაიმართა შემეცნებითი შეხვედრა, რომელიც დარგის აქტუალურ საკითხებსა და გამოწვევებს დაეთმო.

შეხვედრის ფარგლებში მოწვეულმა ექსპერტებმა ვრცლად ისაუბრეს შემდეგ თემებზე:

• ლანდშაფტი და ბიოლოგიური მრავალფეროვნება – სპიკერმა დავით თარხნიშვილმა განიხილა ეკოსისტემების მნიშვნელობა და ბიომრავალფეროვნების როლი თანამედროვე ლანდშაფტურ დაგეგმარებაში.

• ნიადაგის მომზადება ბაღის გასაშენებლად – ზურაბ ჩალათაშვილმა დამსწრე საზოგადოებას გაუზიარა პრაქტიკული გამოცდილება ნიადაგის სწორად დამუშავებისა და მცენარეთა ოპტიმალური ზრდისთვის საჭირო პირობების შესახებ.

• ლანდშაფტის საკითხის პრობლემები თბილისის დღევანდელ ქალაქგეგმარებით პრაქტიკაში – ირაკლი ჟვანიამ ისაუბრა დედაქალაქის ურბანული განვითარების პროცესში არსებულ ხარვეზებსა და ლანდშაფტის არქიტექტურის ინტეგრირების აუცილებლობაზე.

ღონისძიება დასრულდა კითხვა-პასუხის რეჟიმით, სადაც სტუმრებს საშუალება ჰქონდათ, სპიკერებისგან მიეღოთ პროფესიული კონსულტაციები და ემსჯელათ სფეროს განვითარების პერსპექტივებზე.